Төлбөрийн тэнцлийн урсгал данс 2023 оны эхний 9 сард 430.0 сая ам.долларын ашигтай байсан бол 2024 оны эхний 9 сард урьдчилсан гүйцэтгэлээр 1.4 тэрбум ам.долларын алдагдалтай гарчээ.

Энэ оны эхний 9 сард барааны худалдааны импорт нэмэгдэж, барааны тэнцлийн ашиг өмнөх оны мөн үеэс 35.3 хувиар буурсанд үйлчилгээний дансны алдагдал 247.5 сая ам.доллар, анхдагч орлогын дансны алдагдал 405.1 сая ам.доллароор тус тус өссөн нь урсгал данс алдагдалтай гарахад нөлөөлсөн байна. 

Үйлчилгээний худалдааны тэнцэл энэ оны эхний 9 сард 2.1 тэрбум ам.долларын алдагдалтай гарч, алдагдал өмнөх оны мөн үеэс 247.5 сая ам.доллароор өссөн байна.

Үйлчилгээний худалдааны орлого тус хугацаанд 1.2 тэрбум ам.долларт хүрч,өмнөх оны мөн үеэс 11.7 сая ам.доллароор буурсан байна. Тус бууралтад тээврийн үйлчилгээний орлого 67.9 сая ам.доллароор буурсан нь нөлөөлсөн байна.