Газар зүйн байршлынхаа ойр, давуу талыг ашиглан бие биенийхээ сул талыг нөхөж, хэрхэн ашигтай хамтарч ажиллах вэ гэдэг асуудлыг Дорнын эдийн засгийн форумаар ярилцдаг уламжлалтай. Энэ үеэр бараа бүтээгдэхүүн, шинэ технологи, инновацын үзэсгэлэн экспо ч гарч, өндөр мөнгөн дүнтэй гэрээнүүд байгуулдаг.  

Владивосток хотод зохион байгуулагдаж буй энэ жилийн чуулга уулзалтын гол сэдэв нь “Алс Дорнод – 2030 Хүчин чармайлтаа нэгтгэж, боломж бололцоо бүрдүүлцгээе” гэсэн уриатай. Энэ жилийн чуулга уулзалтад УИХ-ын гишүүн, Засгийн газрын гишүүн. Сангийн сайд Б.Жавхлан тэргүүтэй төлөөлөгчид оролцож байна. Манай улсад албан ёсны айлчлал хийсэн  ОХУ-ын Ерөнхийлөгч Владимир Путин Дорнын эдийн засгийн чуулга уулзалтад оролцож байнгаа бол маргаашнаас айлчлал нь эхлэх  БНХАУ-ын дэд дарга Хань Жөн мөн энэ форумд оролцож байна. Чуулга уулзалтын гол үйл явдлууд өнөөдөр болно.