Өнгөрсөн 7 хоногт  БНСУ-ын Ерөнхийлөгч Юн Сук Ёлыг шүүхийн шийдвэрээр сулласан.

Түүнийг суллах шийдвэр гарсан нь нэгдүгээрт, Сөүлийн төвийн дүүргийн шүүх угаасаа энэ хэргийг хянан хэлэлцэх эрхгүй байгууллага болох нь батлагдсан. Мөн шүүхээс Юн ерөнхийлөгчийг хорих хугацаа 52 хоногоор дуусгавар болсон тул өмгөөлөгчийн хүсэлтийн дагуу сулласан.

Тэгвэл Юн Сук Ёл цэргийн онц байдлын дэглэм зарласан нь зөв, буруу эсэхийг шийдэх шүүх хуралдаан энэ оны сүүлээр болох төлөвтэй гэж өмнө мэдээлж байсан.

Харин БНСУ-ын Үндсэн хуулийн цэц Ерөнхийлөгч Юн Сук Ёлд итгэл үзүүлэх эсэх асуудлаар ойрын үед шийдвэрээ гаргах гэж байна.

Үүнтэй холбогдуулан Үндсэн хуулийн цэцийн барилгын эргэн тойрны 1.8 км радиус агаарын зайд нисэх онгоц болон дрон нисгэхгүй байх шийдвэрийг гаргалаа.

Ийм зохицуулалт хийх болсон нь аюулгүй байдалтай холбоотой. Аливаа нэг террорист хадлага болохоос урьдчилан сэргийлэх зорилгоор хэмээн онцолжээ. Энэ тухай удирдамжийг БНСУ-ын Иргэний нисэхийн төв байгууллагад зааварчилгааны хамт хүлээлгэн өгч, энэ нөхцөл байдал гуравдугаар сарын 31-ний өдрийг хүртэл үргэлжилж болзошгүй тул өмнөх зохицуулалтыг сайн хийхийг үүрэг болгожээ.

Өмнө нь жил бүрийн хавар болдог их дээд сургуулийн элсэлтийн шалгалтын өдөр сургууль дээгүүр онгоц нисэх, машин, галт тэрэгний дуут дохио өгөх зэрэг анхаарал сарниулах бүх үйлдлийг хориглох уламжлал энэ улсад бий.