Цагаан алтны ханш пүрэв гарагт огцом өсөж, унци нь 1,416 ам.долларт хүрснээр сүүлийн 11 жилийн дээд цэгт хүрлээ. Үүний зэрэгцээ палладийгийн ханш мөн 4.8 хувиар нэмэгдэж, 1,111 ам.доллар болсон байна. Энэ сарын эхээр цагаан алтны ханш анх удаа 1,200 ам.долларын босгыг давсан нь зах зээлд хомсдол нэмэгдэж буйг илтгэсэн дохио байв.

“Сүүлийн үед Хятадын хөрөнгө оруулалт болон үнэт эдлэлийн дахин худалдан авалт эрчимжсэн нь цагаан алтны нийлүүлэлтийн дутагдлыг тодотголоо” хэмээн Global X ETFs компанийн шинжээч Жастин Лин онцлов.

Палладий болон цагаан алтыг хооронд нь орлуулж ашиглаж болдог бөгөөд ялангуяа тээврийн хэрэгслийн хорт утааг бууруулах катализатор технологид аль аль нь хэрэглэгддэг юм. Иймд цагаан алтны ханшийн өсөлт палладийд эергээр нөлөөлж байна. 

Лондон болон Цюрихийн цагаан алтны зах зээлд сүүлийн саруудад хомсдол ажиглагдаж байгаа аж. Үүнд нөлөөлсөн гол хүчин зүйл бол тарифын эрсдэлийн улмаас ойролцоогоор 500,000 унци цагаан алт АНУ-ын агуулахуудад шилжүүлэгдсэн юм.