Чатбот хөгжүүлэгч Joi AI компанийн саяхан хийсэн судалгаагаар Z үеийн буюу 1997 оноос хойш төрсөн залуусын 80 хувь нь хиймэл оюун ухаантай гэрлэхэд бэлэн гэж хариулсан байна. Түүнчлэн судалгаанд оролцогчдын 83 хувь нь AI буюу хиймэл оюун ухаантай гүн гүнзгий сэтгэл хөдлөлийн холбоо үүсгэж чадна гэж үзжээ. 

Тус компани энэхүү үзэгдэлд зориулж “AI-lationship” гэх шинэ нэр томьёо гаргасан нь хиймэл оюун ухаантай үүсгэх харилцааг илэрхийлж буй юм. “Бодит болзооны амьдрал хэтэрхий их төвөгтэй болсон учраас залуус хиймэл оюун руу шилжиж байна” хэмээн Joi AI тайлбарласан байна.  

“Залуус хүний халуун дулаан харилцаагаар дутагдаж байгаа тул хиймэл оюуны чатбот нь тэдний сэтгэлийн хоосон орон зайг дүүргэх болсон. Нүд рүү нь харах шаардлагагүй, шүүмжлэхгүй, эвгүй дуугүй үе ч байхгүй — бүх зүйл амархан. Гэвч хэн нэгэн iPhone-доо гэрлэх санал тавих мөчид энэ нь тоглоом наадам биш болох нь ойлгогдоно” хэмээн цахим нийгмийн судлаач Жули Албрайт хэллээ.