Сонгинохайрхан дүүргийн 3 дугаар хороонд хөлбөмбөгийн талбай бүхий спортын цогцолборыг улсын төсвийн хөрөнгө оруулалтаар барьж байгаа юм. Тэгвэл тус цогцолборын барилга угсралтын ажил өнөөдрийн байдлаар 75 хувийн гүйцэтгэлтэй үргэлжилж байна.

Энэхүү спортын цогцолбор нь хөл бөмбөг, сагсан бөмбөг, газрын теннис, чийрэгжүүлэх төхөөрөмж бүхий зориулалтын талбайтай аж. Ашиглалтад орсноор хүүхэд, залуучууд, иргэд чөлөөт цагаа зөв боловсон өнгөрүүлж, эрүүл, чийрэг бие бялдартайгаар өсөж хүмүүжихэд эергээр нөлөөлнө хэмээн холбогдох мэргэжилтнүүд үзэж байна. Цогцолборын барилга угсралтын ажлыг “Аглут” ХХК гүйцэтгэж, нийслэлийн Хөрөнгө оруулалтын газар захиалагчийн техникийн хяналтыг хэрэгжүүлж байна.