Монгол Улсын мэдээлэл, харилцаа холбооны салбарт богино хугацаанд дэд бүтцийн томоохон хөгжлийг авчирсан Жи Mобайл ХХК 2024 оны ТОП-100 аж ахуйн нэгжийн жагсаалтад 72 дугаар байрт эрэмбэлэгдэж, салбарынхаа манлайлагчдын нэг болохоо дахин баталлаа.

Жи Mобайл нь 2007 оны 4 дүгээр сарын 20-нд сүлжээний албан ёсны нээлтээ хийж, анхны хэрэглэгчдээ холбосноос хойш Монгол орныг хамарсан харилцаа холбооны сүлжээ, дэд бүтцийг амжилттай байгуулж ирсэн билээ. Өнөөдөр тус компани 2G, 3G, 4G/LTE, 5G технологид суурилсан дэвшилтэт холбооны иж бүрэн үйлчилгээг Улаанбаатар хот болон 21 аймаг, 316 сумын хэрэглэгчдэд хүргэж байна. 

Тодруулбал, Жи Mобайл ХХК нь борлуулалтын орлогын эрэмбээр 100 дугаарт, төлсөн татварын дүнгээр 93 дугаарт, ашигт ажиллагааны хэмжээгээр 95 дугаарт, хөрөнгийн хэмжээний эрэмбээр 68 дугаарт жагссан байна. Даатгуулагчийн тоогоор 36 дугаарт байрт эрэмбэлэгдсэн нь компанийн нийгмийн хариуцлага, ажиллах хүчний бодлогын үр дүнг илтгэж буй үзүүлэлт юм.

Эдгээр тоон үзүүлэлт нь Жи Mобайл ХХК нь харилцаа холбооны салбарт зөвхөн технологийн хувьд бус, эдийн засгийн болон нийгмийн хувьд ч бодитой хувь нэмэр оруулж байгааг баталж байна.