Инвескор Санхүүгийн Байгууллага “ТОП-100” аж ахуйн нэгжийн жагсаалтад 96 дугаарт бичигдэж, энэ онд анх удаа шалгарлаа. Монгол Улсын Засгийн газар, Монголын Үндэсний Худалдаа Аж Үйлдвэрийн Танхим хамтран жил бүр танилцуулдаг “ТОП-100” аж ахуйн нэгжийн жагсаалтыг компаниудын борлуулалтын орлого, төлсөн татварын дүн, даатгуулагчийн тоо, ашиг болон хөрөнгийн хэмжээ гэсэн үзүүлэлтэд тулгуурлан эрэмбэлдэг.
2024 онд Инвескор байгууллага зах зээлээ олон улсад тэлж, Төв Азийн бүс нутагт амжилттай байр сууриа бэхжүүлж чадсан. Тус компани Киргиз улсад 5, Казахстан улсад 1 салбар байгуулсан нь Монголын санхүүгийн салбараас олон улсын зах зээлд хөл тавьсан томоохон алхам болсон юм. 

Мөн олон улсын нэр хүнд бүхий “MicroFinanza Rating” SRL байгууллагаас авсан “А” зэрэглэлээ дахин амжилттай баталгаажуулсан нь “Инвескор”-ын тогтвортой, хариуцлагатай үйл ажиллагааг харуулж буй. Түүнчлэн тус байгууллага нь Рио Тинто Монгол ХХК-тай хамтран жижиг, дунд бизнесийг дэмжих хөтөлбөрийг амжилттай хэрэгжүүлсэн байна.

Олон улсын санхүүгийн байгууллагууд ч мөн Инвескорын үйл ажиллагаанд итгэл хүлээлгэж, BlueOrchard Microfinance Fund (BOMF), Глобал Жендер-Смарт Сан, EMF Microfinance Fund, AgmvK (EMF) зэрэг нэр хүндтэй хөрөнгө оруулагч сангаас нийт 30.5 сая ам.долларын хөрөнгө оруулалт татан төвлөрүүлж, санхүүгийн хүртээмжийг нэмэгдүүлжээ.

Тус байгууллагын зүгээс энэ амжилтыг хамтдаа бүтээлцсэн харилцагч, хөрөнгө оруулагч, хувьцаа эзэмшигч болон ажилтнууддаа талархал илэрхийлж, “Та бүхний итгэл, дэмжлэг бол бидний урагшлах хамгийн том хүч юм” хэмээн мэдэгдлээ.

Инвескорын энэхүү амжилт нь зөвхөн компанийн нэр хүндийг өсгөхөөс гадна Монгол Улсын санхүүгийн салбарт шинэ боломж, шинэ чиг хандлагыг авч ирж буй чухал үйл явдал болж байна.