Монгол Улс 2023 онд нийт 163 улстай худалдаа хийж, гадаад худалдааны нийт бараа эргэлт 24.4 тэрбум ам.долларт хүрсэн байна. Үүнээс экспорт 15.2 тэрбум ам.доллар, импорт 9.3 тэрбум ам.доллар болж, тэнцэл 5.9 тэрбум ам.долларын ашигтай гарч түүхэн дээд үзүүлэлтэд хүрсэн.

Харин энэ оны эхний дөрвөн сарын байдлаар манай улсын гадаад худалдааны тэнцэл 1.5 тэрбум ам.долларын ашигтай гараад байна.

Экспорт, импортын нийлбэрээр гадаад худалдааны нийт бараа эргэлтийг тодорхойлох бол Монгол Улсаас хилийн чанадад хийж буй экспортын дүнгээс импортыг хасаж гадаад худалдааны тэнцлийг тооцдог билээ.