АНУ-ын Ерөнхийлөгч Дональд Трамп даваа гарагт мэдэгдэл хийж, 14 орны импортын бараа, бүтээгдэхүүнд өндөр татвар ногдуулах шинэ шийдвэрийг танилцууллаа. Тус арга хэмжээ нь 2025 оны наймдугаар сарын 1-нээс хэрэгжиж эхлэх бөгөөд Япон, БНСУ, Малайз, Өмнөд Африк, Лаос, Камбож зэрэг улсыг хамарч байна.

Трамп уг мэдэгдлээ өөрийн Truth Social хуудсаар дамжуулан хийсэн бөгөөд оролцогч орнуудын төрийн тэргүүнүүдэд илгээсэн албан бичгийн зураг, агуулгыг нийтэлжээ. Тэрбээр шинэ татварын түвшинг нэг талаас “харилцан адилгүй, шударга бус худалдааны хариу арга хэмжээ” хэмээн тодорхойлж, “хэрэв бидний харилцаа сайжирвал татварыг эргэн харах боломжтой” хэмээн албан бичигтээ дурджээ.

Япон, БНСУ, Малайз, Казахстан, Тунис улсад 25 хувь, Индонез 32 хувь, Бангладеш, Серби            35 хувь, Камбож, Тайланд 36 хувь, Лаос, Мьянмар улсад 40 хувийн татварыг ногдуулахаар болсон байна. 

Шинэчлэгдсэн татварын түвшин долдугаар сарын 10-нд хэрэгжих байсан ч Трамп уг шийдвэрийг наймдугаар сарын 1 хүртэл хойшлуулахаар боллоо.

Трампын мэдэгдэлтэй холбоотойгоор улс орны худалдааны тодорхойгүй байдал АНУ-ын хөрөнгийн зах зээлд сөргөөр нөлөөлөв. Dow Jones индекс 0.94 хувиар буурч, 44,406.36 нэгжид хүрч хаагдсан бол, S&P 500 0.79 хувиар буурч, 6,229.98 нэгжид хаагджээ.