Улсын Их Хурлын чуулганы нэгдсэн хуралдаанаар Монгол Улсын 2025 оны нэгдсэн төсвийн хүрээний мэдэгдэл, мөн 2026–2027 оны төсвийн төсөөлөлд өөрчлөлт оруулах тухай хуулийн төсөл болон хамт өргөн мэдүүлсэн бусад хуулийн төслүүдийн хэлэлцэх эсэх асуудлыг хэлэлцэв.

Санал хураалтын дүнгээр УИХ-ын нийт 99 гишүүний 57.6 хувь нь төсөл, арга хэмжээг үзэл баримтлалын хүрээнд хэлэлцэхийг дэмжсэн тул анхны хэлэлцүүлэгт бэлтгүүлэхээр Төсвийн байнгын хороонд шилжүүлжээ.

Хуулийн төслүүдийн дэлгэрэнгүй агуулга болон төсвийн үзүүлэлтэд орж буй тодотгол, өөрчлөлтийн чиглэлүүдийг байнгын хорооны анхны хэлэлцүүлгээр тодорхой болгох юм. Төсвийн бодлогын энэ шатны хэлэлцүүлэг нь макро эдийн засгийн зохицуулалт, нийгмийн халамжийн сангуудын тэнцвэр, Үндэсний баялгийн сангийн хөрөнгө оруулалтын зарцуулалт зэрэгт гол анхаарлаа хандуулах хүлээлттэй байна.