Энэ оны есдүгээр сард олны хүртээл болох шинэ “iPhone 16” гар утасны хэмжээ болон өнгөний тухай Apple-ийн шинжээч Мин-Чи Куо ам нээлээ.

“iPhone”-ийн хэмжээ жил ирэх тусам томорсоор байгаа бөгөөд удахгүй гарах “iPhone 16 Pro Max” ухаалаг гар утас нь хэмжээний хувьд цоо шинэ түвшинд гарах бололтой.

Одоогийн “iPhone 15 Pro Max” нь 6.7 инч хэмжээтэй бөгөөд “iPhone 16 Pro Max”-ыг 6.9 инчийн дэлгэцтэй байх гэнэ.

Харин өнгөний хувьд Apple-ийн шинжээч Мин-Чи Куогийн хэлснээр “iPhone 16” хар, цэнхэр, ногоон, ягаан, цагаан өнгийн сонголттой байх төлөвтэй гэжээ.

Мөн тэрбээр 2024 оны есдүгээр сард олны хүртээл болох шинэ утас хэмжээ болон өнгийн хувьд дэвшүүлж буй таамгаас хол зөрөхгүй гэдгийг онцолсон байна.