Apple компани Meta Ray-Ban-ийн ухаалаг нүдний шилтэй өрсөлдөхүйц өөрсдийн хиймэл оюунд суурилсан ухаалаг шилийг хөгжүүлж байгаагаа зарлалаа. Тус шилэнд ашиглагдах ухаалаг чип нь эрчим хүчний хэмнэлттэй, Apple Watch-д ашиглагддаг аж.

Энэхүү чипийн үйлдвэрлэл 2026 оны сүүлээр эсвэл 2027 онд эхлэх төлөвтэй байгаа бөгөөд төхөөрөмжийг ойрын хоёр жилийн дотор зах зээлд гаргах төлөвлөгөөтэй байна. 

Apple компанийн чип үйлдвэрлэлийн хамтрагч Тайванийн TSMC нь уг чипийг үйлдвэрлэх үүрэг хүлээж байна. Apple одоогоор AR ашиглахгүй, харин камеруудаар хүрээлэн буй орчныг таньж, хиймэл оюун ухаанд суурилан хэрэглэгчдэд туслах чадвартай ухаалаг шил боловсруулах талаар судалгаа хийж байна. Энэ нь Meta-ийн бүтээгдэхүүнтэй төстэй боловч дэлгэрэнгүй үзүүлэлтүүд хараахан тодорхой болоогүй байгаа юм.

Meta компанийн Ray-Ban ухаалаг шил нь одоогоор дуу тоглуулах, зураг авах, дуудлага хийх, дуу хоолойгоор ажилладаг туслах ашиглах зэрэг үйлдэлтэй. 2023 онд гарсан шинэ хувилбар нь амжилттай борлуулагдсан тул Meta компани дараагийн үеийн загварыг хөгжүүлж байгаагаа мэдэгдсэн юм.