“Google” компанийн хиймэл оюун ухааны хэрэглүүр, бичлэг боловсруулагч загвар “Veo” зах зээлд нэвтэрлээ. 

“Veo”-г анх энэ оны тавдугаар сард олон нийтэд танилцуулсан бөгөөд ийнхүү 7 сарын дараа “Google”-ийн Vertex AI платформоор дамжуулан танилцуулга хийснээр хэрэглэгчдэд хүрэхэд бэлэн болжээ. 

Уг хиймэл оюуны хэрэгсэл нь текст эсвэл зурган өгөгдөл дээр суурилан төрөл бүрийн хэв маягаар, өндөр чанар бүхий 1080 нягтаршилтай бичлэгийг үүсгэх чадвартай юм. 

Түүнчлэн “Google”-ийн Imagen 3 буюу текстээс зураг үүсгэгчийн хамгийн сүүлийн хувилбар дараа долоо хоногоос эхлэн Google Cloud-н бүх хэрэглэгчдэд хүрэх төлөвлөгөөтэй байна.