Нас биед хүрсэн хүн болох, бие дааж тусдаа гарах, анхны ажилд орох зэрэг амьдралын анхны алхмууд Z үеийнхэнд сайхан уран зөгнөл мэт санагдаж байсан ч бодит амьдрал дээр тийм байсангүй.

Энэ нь хорь гаруй насныхны 38 хувь нь “middle age crises” буюу "дунд насны хямрал"-д өртсөн байгаагаар тодхон харагдаж байна. Z үеийнхэн санхүүгийн тогтворгүй байдал, ажил эрхлэлтийн тодорхойгүй байдал, ирээдүйн талаарх түгшүүрээс болж дунд насны хямралыг залуу насандаа туулж байна.

“Орчин үеийн залуус санхүүгийн тогтворгүй байдал, сэтгэцийн эрүүл мэнд, ажил мэргэжлийн тодорхойгүй байдлын дарамтаас зайлсхийх боломжгүй орчин бий болсон" хэмээн судлаачид үзэж байгаа бөгөөд 27-оос доош насныхан буюу Z үеийнхэн сэтгэцийн эрүүл мэндийн асуудлаас болж долоо хоног бүр нэг ажлын өдөртэй тэнцэх хэмжээний ажил алдаж байна гэж Vitality сэтгүүлийн саяхан гаргасан тайланд дурджээ.

Тус судалгаанд Z үеийнхэн өмнөх үеийн хамт олонтойгоо харьцуулахад 224 хувиар илүү сэтгэлээр унадаг болохыг тогтоосон байна.

Arta Finance-ийн судалгааны баг мөнгө, ажил, дэлхийн дахины одоогийн нөхцөл байдлаас шалтгаалж Z үеийнхэнд дарамт учирч байгаа гэж үзэж байна.