Нэг ажилтанд ногдох сарын дундаж цалин 2.3 сая төгрөг болж өсчээ

Үндэсний Статистикийн Хорооноос Монгол Улсын нийгэм, эдийн засгийн 2024 оны эхний хагас жилийн үзүүлэлтүүдийг танилцууллаа. 

Нэг ажилтанд ногдох сарын дундаж цалин 2.3 сая төгрөг болж голч цалин 1.8 сая төгрөгт хүрчээ.
Дундаж цалин нь нийт цалингийн нийлбэрийг нийт ажилчдын тоонд хуваасан утга бөгөөд голч цалин гэдэг нь ажилчдын цалинг өсөх эсвэл буурах эрэмбээр байршуулсан цувааг таллан хувааж байгаа ажилтны цалин юм.

Ажиллагчдын сарын дундаж цалинг эдийн засгийн бүх төрлийн үйл ажиллагааны салбарын ангиллаар авч үзэхэд уул уурхай, олборлолтын салбарт ажиллагчдын дундаж цалин хамгийн их байгаа бөгөөд 2024 эхний улирлын байдлаар 5.7 сая төгрөг, харин зочид буудал, байр, сууц болон нийтийн хоолны үйлчилгээний салбарын ажиллагчдын дундаж цалин хамгийн бага буюу 1.4 сая төгрөг байна.

Түүнчлэн тээвэр, мэдээлэл, холбоо, үл хөдлөх хөрөнгийн үйл ажиллагаа, санхүүгийн болон даатгалын салбарт ажиллагчдын сарын дундаж цалин улсын дунджаас их байна.