Энэхүү ховор өндгийг Шотландын Айр хотын супермаркетаас нэгэн эмэгтэй худалдан авч байжээ. Тэрбээр 15 ширхэг өндөгний хайрцагт 1.99 фунт стерлинг төлж, нэг өндөг нь зууван хэлбэртэй биш бөөрөнхий хэлбэртэй байсан нь түүнийг гайхшируулж, Британийн дуудлага худалдааны Томсон Роддик Каллантай холбогдож, ховор олдворыг худалдаанд гаргажээ.

Дуудлага худалдаанд гаргасан даруйд нь Беркширийн иргэн Эд Поуналл өндгийг 150 фунтээр худалдаж авсан байна. Харин энэ сард Эд Оксфордод төвтэй Iuventas хүмүүнлэгийн санд хандивлахаар шийдсэн бөгөөд анхандаа хүмүүнлэгийн сангийн ажилчид дугуй өндгийг "наргиа" гэж бодсон гэнэ. "Эхэндээ би бага зэрэг эргэлзэж байсан ч нэг найз маань өндөгний тухай нийтлэлүүдийг илгээхэд бид шууд хүлээж авсан" гэж сангийн хэвлэлийн төлөөлөгч Роз Рапп хэлжээ.

Буяны байгууллага дахин дуудлага худалдаа хийхэд өндгийг нэрээ нууцалсан нэгэн 200 фунтээр худалдаж авчээ. Энэ нь анхны үнээсээ 1500 дахин өндөр үнээр зарагдсан тохиолдол болж байна.

Энэхүү орлого нь сэтгэцийн эрүүл мэндийн асуудалтай тулгардаг 13-25 насны залуучуудад туслах боломжийг санд олгоно гэж хэвлэлийн төлөөлөгч Роз Рапп хэлжээ.