Биткойны ханш 121,249.9 ам.долларт хүрч, бүх цаг үеийн дээд түвшинд хүрсэн талаар CoinMetrics мэдэгдлээ.

Энэхүү огцом өсөлт нь Биткойн ETF буюу хөрөнгө оруулалтын сангуудаар дамжуулан хийгдэж буй хөрөнгө оруулалтын урсгал нэмэгдсэнтэй холбоотой аж. Зөвхөн өнгөрсөн пүрэв гарагт л гэхэд Биткойн ETF-д 1.18 тэрбум ам.долларын хөрөнгө оруулалт төвлөрсөн байна.

Түүнчлэн АНУ-ын Конгресс криптовалютын шинэ хууль батлахад ойртож байгаатай холбогдуулан энэ онд Биткойны ханш өсөлттэй байх төлөвтэй хэмээн салбарын шинжээчид үзэж байна. Шинэ хууль, зохицуулалт хэрэгжих нь хөрөнгө оруулагчдын итгэлийг улам нэмэгдүүлж, зах зээлийг улам идэвхжүүлэх хүлээлт үүсгээд байна.