Apple компани жил бүр зохион байгуулдаг WWDC (Worldwide Developers Conference) арга хэмжээгээр бүх үндсэн үйлдлийн системүүдийнхээ дизайн, хиймэл оюун ухаанд суурилсан шинэчлэлүүдийг танилцууллаа. Энэ жилийн WWDC нь шинэ тоног төхөөрөмж танилцуулаагүй ч iOS 26 программ хангамж төвтэй онцгой өөрчлөлтүүдийг хүргэсэн юм.
Liquid Glass – шил мэт тунгалаг, гурван хэмжээст интерфейс
Apple бүх платформ дээрээ (iOS, macOS, iPadOS, watchOS, visionOS гэх мэт) нэгэн ижил “Liquid Glass” хэмээх шинэ дизайн нэвтрүүлж байна.
• Энэ нь шил мэт тунгалаг, гэрэл, сүүдрийн динамик эффекттэй, гурван хэмжээст мэдрэмж төрүүлдэг.
• Интерфейс илүү амьд мэт, ойлгомжтой, хурдан хариу үйлдэлтэй болсон.
• iPhone, iPad, Mac, Apple Watch, Vision Pro зэрэг бүх төхөөрөмжид нэвтэрнэ.
Apple Intelligence: Хүчирхэг хиймэл оюун ухаан бүрэн нэгдлээ
Apple Intelligence нь iOS, iPadOS, macOS, watchOS, болон tvOS бүхэнд гүнзгий уялдаатайгаар ажиллана. Үүнд:
• Writing Tools: бичсэн текстийг хянах, засах, богиносгох, эсвэл яруу найраг болгон хувиргах
• Genmoji: өөрийн сэтгэсэн дүрслэлээр emoji үүсгэх
• Image Playground: тоглоомын маягийн зураг үүсгэх
• Mail болон Messages: автоматаар хариу санал болгох, и-мэйлийг хураангуйлан үзүүлэх
• Photos: зурагнаас хэрэгцээгүй зүйлсийг арилгах “Clean Up”
• Siri: илүү байгалийн, ухаалаг харилцаа, ChatGPT нэгтгэл
Хөгжүүлэгчдэд зориулсан шинэ боломжууд
Foundation Models Framework ашиглан хөгжүүлэгчид Apple Intelligence загварт гуравхан мөр кодоор хандах боломжтой боллоо. Энэ нь:
• Хувийн өгөгдөл алдагдалгүй
• Сүлжээгүй орчинд ч ажиллах боломжтой
• Shortcut-уудыг AI үйлдлээр баяжуулж, хэрэглэгчийн хүсэлтээр динамик контент үүсгэх боломжтой.
Messages болон Siri: Илүү ухаалаг, илүү хувийн
iOS 26-д:
• Unknown Senders буюу танихгүй хэрэглэгчээс ирсэн зурвас тусдаа хавтсанд шилжиж, хэрэглэгч тухайн дугаарыг таних эсэхээ шийднэ.
• Siri хэрэглэгчийн алдааг ойлгон засаж, өмнөх ярианы утга, агуулгыг хадгална.
• Messages-д санал асуулга үүсгэх шинэ боломж нэмэгдсэн бөгөөд Apple Intelligence энэ функцийг автоматаар санал болгоно.
CarPlay ба CarPlay Ultra: Машин доторх ухаалаг экосистем
CarPlay нь шинэчлэгдэж:
• Дуудлага ирэхэд дэлгэц дээр хялбар байдлаар харуулж, замын мэдээллийг халхлахгүй
• Messages-д Tapbacks, Pinned Conversations нэмэгдсэн
• Live Activities, Widgets ашиглан замын турш мэдээлэл авах боломжтой
• CarPlay Ultra нь автомашины системтэй бүрэн нэгдсэн, олон дэлгэц дээрх ухаалаг интерфэйсийг авчирна
Apple Music, Maps, Wallet шинэчлэлүүд
• Apple Music: Дууны үг орчуулга, дуудлагаар унших функц, AutoMix горим.
• Apple Maps: Visited Places – хэрэглэгчийн очсон газруудыг бүртгэх, хиймэл оюун ашиглан замын ачааллын байдлыг шинжиж, оновчтой маршрут санал болгоно.
• Apple Wallet: Apple Pay-г ашиглан installment буюу хэсэгчлэн төлбөр хийх, Live Activities дэмждэг нислэгийн тасалбар, нисэх онгоцны буудлын газрын зураг зэргийг харуулна.
Apple Games, AirPods, Safari, Accessibility
• Apple Games: тоглоомуудын төвлөрсөн шинэ апп, Apple Arcade-тэй бүрэн уялдсан.
• AirPods: дуу бичлэгийн студийн чанартай горим, гар утасны камерыг AirPods-оор дамжуулан удирдах боломж.
Apple Watch-д зориулсан Workout Buddy
• Хэрэглэгчийн зүрхний цохилт, гүйсэн зай, хурд, дасгалын түүх гэх мэт мэдээлэлд тулгуурлан хувь хүний онцлогт тохируулсан дүгнэлт, дасгалын хөтөлбөрийг өгдөг. 
