2022 оноос эхлэн Юнител группийн санаачлагаар хэрэгжиж буй "Unitel STEAM HUB" хөтөлбөр Монгол орны өнцөг булан бүрт амьдарч буй хүүхдүүдийг технологи, инновацын боловсролоор тэгш хангах зорилготой. Нийслэл хот төвтэй сургалтын төвүүдэд хүрч чадахгүй байгаа олон мянган хүүхдүүдэд энэхүү хөтөлбөр аймаг бүрийн Хүүхдийн ордонд суурилсан лабораториор дамжуулан технологийн суурь боловсрол олгож, тэднийг 21-р зууны ур чадваруудтай иргэн болгон төлөвшүүлж байна.

Өдгөө 20 аймагт хэрэгжиж буй тус хөтөлбөрөөр 2,500 гаруй хүүхэд кодчилол, робот, дрон, электроник болон дэлгэцгүй код бичих чиглэлийн сургалттай бөгөөд 64,000 гаруй иргэнд шууд болон шууд бусаар нөлөөлжээ. Хөтөлбөрийн нэг чухал үе шат болсон “Enjoy AI” улсын уралдаан энэ оны зургадугаар сард амжилттай зохион байгуулагдаж, аймаг бүрээс шалгарсан 140 хүүхэд хоёр насны ангилалд өрсөлдсөн юм.

“Enjoy AI”: Олон улс руу тэмүүлэх мөрөөдлийн гараа

Тэмцээн нь 6–8 насны “Дэлгэцгүй кодчилол” болон 10–14 насны “Дрон кодчилол” гэсэн хоёр төрлөөр явагдаж, шалгарсан багууд энэ оны 12-р сард Шанхай хотод болох “Enjoy AI” олон улсын тэмцээнд Монгол Улсаа төлөөлөн оролцох эрхээ авлаа.

Ц.Амаржаргал, Юнител группийн Бизнес хариуцсан захирал:
“Энэ бол зүгээр нэг тэмцээн биш. Орон нутгийн хүүхдүүд дэлхийн тавцанд гарах анхны бодит хаалга нээгдэж буй үйл явдал. Технологийн боловсролд хүүхэд бүрд нээлттэй, хүртээмжтэй болгох нь бидний үндсэн зорилго.”

10-12 насны “Drone кодчилол”-ын төрөлд: 

1-р байр: Баянхонгор аймгийн сурагч О.Түвшинсайхан түрүүлж Алтан медаль, өргөмжлөл,  ENJOY AI олон улсын тэмцээнд оролцох эрхээр шагнагдлаа

2-р байр: Говь-Алтай аймгийн сурагч Э.Тэлмүүн шалгарч Мөнгөн медаль, өргөмжлөл, мөнгөн шагнал, сургалтын хэрэглэгдэхүүн

3-р байр: Өмнөговь аймгийн сурагч Д.Дөлгөөн Хүрэл медаль, өргөмжлөл, мөнгөн шагнал, сургалтын хэрэглэгдэхүүн

Тусгай байр:  Best performance Говьсүмбэр аймгийн сурагч Ч.Чингүүн

Шилдэг аймаг буюу Best team  Ч.Баттулга багштай Говь-Алтай аймаг хүүхдүүд шилдэгээр шалгарч, шагналын эзэд боллоо.

6-8 насны “Дэлгэцгүй кодчилол”-ын төрөлд:

1-р байр: Дархан-Уул аймгийн сурагч Б.Содгэрэл, Н.Амин-Эрдэнэ түрүүлж, Алтан медаль, өргөмжлөл,  ENJOY AI олон улсын  тэмцээнд оролцох эрх

2-р байр: Архангай аймгийн сурагч Ж.Булгантамир, О.Эрдэнэ-Чулуун нар шалгарч, Мөнгөн медаль, өргөмжлөл, мөнгөн шагнал, үнэ бүхий зүйл

3-р байр: Ховд аймаг  Э.Бат-Итгэл, Э.Анармядаг нар шалгарч Хүрэл медаль, өргөмжлөл, мөнгөн шагнал, үнэ бүхий зүйл

Шилдэг гүйцэтгэлтэй баг:  Говь-Алтай Б.Жаргалтуяа, Б.Хаанболд нар шалгарч Өргөмжлөл, сургалтын хэрэглэгдэхүүн, үнэ бүхий зүйлээр шагнагдлаа

“Мөрөөдөл ч, боломж ч газар зүйн хязгааргүй байх ёстой”

Unitel STEAM HUB Хөтөлбөрийн төслийн зохицуулагч Ж.Нарантуяа хэлэхдээ:

“Юнител групп дижитал шийдлээр дамжуулан Монгол орны өнцөг булан бүрт амьдарч суралцаж байгаа хүн бүрт технологийн дэвшлийг хүргэхийг зорьж байдаг. Тэр дундаа залуучуудын боловсрол, стеам боловсролыг хүргэснээр ирээдүйн мэргэжил сонголт, карьерт нь эерэгээр нөлөөлдөг. Тийм учир энэ төслөө 2022 оноос бид эхлүүлсэн. Орон нутгийн хүүхдүүдэд боловсролын тэгш хүртээмжийн асуудал яригддаг. Энэ төрлийн дугуйлан, хөтөлбөрт хамрагдах нөөц боломж нь Нийслэлд амьдарч буй хүүхдүүдээс хомс. Мөн цахим хуваагдлыг багасгахын тулд тодорхой хувь нэмэр оруулъя гэж бодоод стеам боловсролыг хүртээх "UNITEL STEAM HUB" танхимыг байгуулсан. Манай төвөөр орж ирж буй хүүхэд бүр өөрийгөө шинэ нүдээр харж, ‘Би чадна’ гэсэн итгэлтэй болж гардаг. Хамгийн гол нь бид хүүхдүүдэд ‘боломж байгаа’ гэдгийг ойлгуулж өгч байна” 

ENJOY AI олон улсын уралдаан гэж юу вэ?

ENJOY AI бол дэлхийн олон улс орны хүүхдүүдийг хамарсан робот, хиймэл оюуны кодчилолын уралдаан юм. Бүтээлч сэтгэлгээ, техникийн ур чадварыг нэгтгэсэн энэхүү тэмцээн нь хүүхдүүдийг олон улсын түвшний асуудлыг шийдэх бодит туршлага, сүлжээ үүсгэх боломжтой орчинд оролцуулдгаараа онцлог. Зөвхөн 2024 оны ENJOY AI тэмцээнд 34 улс орон, бүс нутгаас нийт 17,036 баг, 28,460 оролцогч оролцсон бөгөөд энэ нь дэлхийн хамгийн том роботик тэмцээнээр нэрлэгдсэн юм.  Тэмцээний хүрээнд жил бүр 15,000 гаруй үйл ажиллагаа зохион байгуулагддаг бөгөөд нийт оролцогчдын тоо 1 саяыг давсан байна.

Монголын өнцөг булан бүрт байгаа орон нутгийн сурагчид Unitel STEAM HUB-ийн дэмжлэгтэйгээр анх удаа энэхүү уралдаанд оролцох бололцоогоо ийнхүү нээж байна.