Сүүлийн үеэд “шөнө 3 цагт сэрэх” гэх Google-ийн хайлт эрс нэмэгдэж, мөн энэ талаарх TikTok видеонууд 30,000-2.5 сая хүртэлх хандалт аваад байгаа аж. Хүмүүс шөнө дунд сэрэх шалтгааныг сэтгэл санаа эсвэл кортизолын түвшин нэмэгдэх гэх мэт янз бүрээр тайлбарлаж байна.

Энэ үзэгдлийн цаад учрыг ойлгохын тулд CNBC Weill Cornell Medicine болон NewYork-Presbyterian-ийн Нойрны төвийн захирал доктор Ана Кригер-тэй ярилцлаа. 

“Сайтар унтаж амрахын тулд унтахын өмнөх зуршлуудаа анхаарах нь маш чухал. Бид унтахын өмнөх зуршлуудын ач холбогдлыг дутуу үнэлдэг” хэмээн Кригер онцоллоо.

Нойрны чанарыг сайжруулах зуршлууд:

• Тайвшруулах оройн зуршил тогтоо
• Унтахын өмнө электрон төхөөрөмжүүдээ хол байлга
• Согтууруулах ундаа уухаас татгалз
• Үдээс хойш кофе уухгүй байх
• Унтлагын өрөөгөө чимээгүй, харанхуй, сэрүүн байлгах

Хэрвээ эдгээрийг хийсэн ч 3 цагт сэрсээр байвал?

Энэ тохиолдолд асуудал стресс байж болзошгүй.

“Хүмүүсийн санаа зовнил, стрессүүд нойрны мөчлөгт нөлөөлж, шөнө бүтэн унтахад нь саад болдог” гэж Кригер хэлжээ.

3 цагт сэрчихвэл юу хийхгүй байх ёстой вэ?

Хэрвээ та шөнө дунд сэрчихвэл дараах үйлдлүүдийг хийхээс зайлсхий:

• Гар утсаа шалгах
• Цаг харах
• Гэрэл асаах
• Сонирхол татах зүйл унших

Эдгээр нь сэрүүн байх зуршил болон нойргүйдлийг улам гүнзгийрүүлдэг.

Кригерийн санал болгож буй амьсгалын дасгал: 4-7-8 техник

• 4 секундээр амьсгаа авах
• 7 секундээр барих
• 8 секундээр амьсгалаа гаргах

Шөнө 3 цагт сэрэх нь маш олон хүнд тохиолдож буй нийтлэг асуудал бөгөөд ихэнхдээ стресс, муу зуршил, эсвэл нойрны эмгэгтэй холбоотой байдаг. Унтахын өмнөх орчныг сайжруулах, тайвшруулах техник ашиглах, шаардлагатай бол мэргэжлийн эмчтэй зөвлөх нь нойроо сэргээх чухал алхам юм.