“Walt Disney” компанийн бүтээл “Moana 2” хүүхэлдэйн киноны орлого дэлхийн хэмжээнд 600 сая ам.долларт хүрч, “Box Office”-ийг тэргүүлсэн хэвээр байна. 

Жагсаалтын хоёрдугаарт "Wicked" кино бичигдэж, дэлхийн хэмжээнд орлого нь 455.6 сая ам.долларт хүрсэн байна. 

Түүнчлэн Кристофер Нолан найруулагчийн уран бүтээл “Interstellar” киноны 10 жилийн ой тохиож буй. Ойн баярыг тохиолдуулан “Interstellar” кино театрын IMAX дэлгэцнээ дахин гарч, үзэгчдийн хүртээл болоод буй. Мэттью Макконахи, Энн Хэтэуэй нарын тоглосон шинжлэх ухааны зөгнөлт бүтээлийн орлого 4.4 сая ам.долларт хүрсэн хэмээн Paramount мэдэгдлээ. 

Дэлхий дахинаа цөөн тоогоор зарлагдсан уг бүтээлийн үзвэрийн тасалбар эхний өдрүүдэд зарагдаж дууссан бөгөөд манай улсад ч мөн Urgoo Imax салбарт “Interstellar” киноны тусгай үзвэрийн тасалбар эхний өдрүүдэд зарагдаж дуусчээ.