"Toyota" компанийн үйлдвэрлэл дэлхий даяар аравдугаар сард 0.8 хувиар буурч, 893,164 машин үйлдвэрлэжээ. Гэсэн хэдий ч энэхүү үзүүлэлт өмнөх саруудтай харьцуулахад бага байсан бөгөөд есдүгээр сард 8 хувиар буурсан байв.

Харин аравдугаар сард дэлхийн борлуулалт 1.4 хувиар өсөж, 903,103 машин борлуулснаар шинэ дээд амжилт тогтоогоод буй.

АНУ-д аюулгүйн дэрний асуудлаас болж "Grand Highlander" болон "Lexus TX" загварын үйлдвэрлэл дөрвөн сарын турш зогссон нь үйлдвэрлэлийг 13 хувиар бууруулжээ. Эдгээр SUV загварын үйлдвэрлэл аравдугаар сарын 21-нд сэргэсэн бөгөөд ирэх нэгдүгээр сард хэвийн байдалд орно гэж тооцоолж байна.

Харин Хятад улсад дотоодын брэндүүдтэй өрсөлдөөн улам ширүүссэнээс үүдэн үйлдвэрлэл 9 хувиар буурсан бол Тайландын зах зээлд эрэлт сул байгаагаас 13 хувиар буурчээ.

Тэгвэл Япон дахь үйлдвэрлэл өнгөрсөн онд ханган нийлүүлэгчийн байгууламжид гарсан галын ослоос үүдэлтэй саатаад байсан ч энэ жил 8 хувиар өсөж, сэргэлт үзүүлсэн байна. Түүнчлэн Канад болон Мексикт үйлдвэрлэл тус бүр 2 хувиар өсчээ.