"Billboard" "XXI зууны шилдэг поп од" жагсаалтыг танилцууллаа. XXI зууны шилдэг поп одоор АНУ-ын дуучин Бейонсе тодорсон бол дуучин Тэйлор Свифт хоёрт бичигджээ.

Уг жагсаалтыг "Billboard"-ын зүгээс уран бүтээлчдийн борлуулалтын орлогыг тооцоолоод зогсохгүй нэр хүнд, дэлхий дахинаа үзүүлж буй нөлөө зэргийг харгалзан тодорхойлсон байна. Бейонсегийн 2013 онд гаргасан цомог өнөө үеийн визуал цомгийн шинэ эрин үеийг эхлүүлсэнд тооцогдож, XXI зууны шилдэг поп одоор сонгогдоход нөлөөлжээ.

Түүнчлэн Рианна гуравт бичигдэж, Дрейк болон Lady Gaga тус жагсаалтыг удаалжээ. 

Хамтлаг уран бүтээлчдээс Өмнөд Солонгосын BTS хамтлаг "XXI зууны шилдэг поп од" жагсаалтад багтаж, түүхэн амжилт болоод буй. 

"Billboard"-ийн XXI зууны шилдэг поп оддын жагсаалтад багтсан топ 10 уран бүтээлч:

1. Бейонсе

2. Тэйлор Свифт

3. Рианна

4. Дрейк

5. Lady Gaga

6. Бритни Спирс

7. Канье Уэст

8. Жастин Бибер

9. Ариана Гранде

10. Адель