"Netflix" платформын шууд дамжуулсан Жейк Пол, Майк Тайсон нарын тулаан үзэлтийн тоогоороо дээд амжилт тогтоожээ.

Тус компанийн мэдээлснээр тулааныг дэлхий дахинаа нийт 60 сая өрх үзэж, оргил үедээ үзэлтийн тоо 65 саяд хүрчээ. 

Түүнчлэн шууд дамжуулалтын эхэн үед гарсан Кэти Тейлор Аманда Серрано нарын тулааныг 50 сая өрх үзсэн нь АНУ-ын түүхэн дэх хамгийн олон үзэгчтэй мэргэжлийн эмэгтэйчүүдийн спортын тэмцээн болоод буй. 

Энэхүү тулааныг АНУ-ын 6000 гаруй үйлчилгээний газар шууд дамжуулж, спортын хамгийн том арилжааны дамжуулалтын дээд амжилтыг тогтоожээ.

58 настай дэлхийн аварга Майк Тайсон болон залуу боксчин Жейк Пол нарын тэмцээнийг үзэхээр АНУ-ын Техас мужийн Арлингтон дахь AT&T цэнгэлдэх хүрээлэнд 72,300 хүн хуран цугласан байна. Тус цэнгэлдэхийн орлого баасан гарагт 18 сая ам.доллароос давсан байна.