Улаанбаатар хотод 2025 онд эхлэх томоохон бүтээн байгуулалтын нэг замын ажлууд. Бусад орны жишгээр машинаа хязгаарлахаас өмнө замаа баридаг. 

Улаанбаатар хотын зүүнээс баруун чигийн хөдөлгөөний эрчмийг нэмэгдүүлэх Туулын хурдны замын тендерийг өнөөдөр нээнэ. Нийт 33 км урт, зургаан эгнээ уг зам ашиглалтад орсноор 2027 онд Улаанбаатар хотын замын түгжрэл 13.5 хувиар буурах тооцооллыг хийжээ. 

Туулын хурдны замыг 24 сарын дотор ашиглалтад оруулахаа хотын удирдлагууд мэдэгдсэн. Нийт төсөвт өртөг нь 1.9 их наяд төгрөг байх бол энэ оны санхүүжилт нь 538.6 тэрбум төгрөг байхаар тусгажээ.