АНУ-ын Ерөнхийлөгч Дональд Трампын Засаг захиргаа гадаадын иргэдийн АНУ-д нэвтрэх нөхцөлд өөрчлөлт оруулахаар төлөвлөж байна. Тодруулбал, тус улсын Төрийн департаментын дотоод эх сурвалжийн дагуу 36 орны иргэдийг зорчих хоригт багтаах тухай хэлэлцэж байгаа аж. 

Хоригт өртөж болзошгүй орнууд: Ангол, Антигуа ба Барбуда, Бенин, Бутан, Буркина Фасо, Кабо Верде, Камбож, Камерун, Кот-д’Ивуар, Ардчилсан Конго, Жибути, Доминика, Этиоп, Египет, Габон, Гамби, Гана, Киргизстан, Либери, Малави, Мавритани, Нигер, Нигери, Сент-Киттс ба Невис, Сент-Люси, Сан-Томе ба Принсипи, Сенегал, Өмнөд Судан, Сири, Танзани, Тонга, Тувалу, Уганда, Вануату, Замби, Зимбабве зэрэг улс багтаж байна.

Эдгээр улс АНУ-ын тогтоосон шалгуур, шаардлагыг 60 хоногийн дотор хангаагүй тохиолдолд тус улсын нутаг дэвсгэрт нэвтрэх эрхгүй болох эрсдэлтэй гэж мэдээлжээ. Тус хориг нь АНУ-ын аюулгүй байдлыг хангах зорилгоор зорчигчдын мэдээлэл, иргэний бүртгэл, аюулгүй байдлын хамтын ажиллагаа зэрэг үзүүлэлт дээр үндэслэн хэрэгжих юм. 

АНУ-ын Засгийн газар албан ёсоор мэдэгдэл хийгээгүй байгаа ч, дотоод эх сурвалжуудын мэдээллээр дээрх орнуудыг хяналтад аваад байгааг баталжээ.