Өнөөдөр “Дэлхийн байгаль орчны өдөр” тохиож байна. НҮБ 1972 оноос эхлэн жил бүрийн зургадугаар сарын 5-ны өдрийг “Дэлхийн байгаль орчны өдөр” болгон зарлаж дэлхий нийтээрээ тэмдэглэж ирсэн уламжлалтай ба “Хуванцар бохирдлыг зогсооё” уриан дор энэ жил тэмдэглэн өнгөрүүлж байна.

Манай улсад 2024 оны байдлаар 188.6 мянган тонн буюу нийт хот хаягдлын 7.2 хувийг хуванцар хог хаягдал бүрдүүлж байна. Энэ нь 3.5 сая хүн амтай манай улсын хувьд нэг хүнд ойролцоогоор 53.7 кг хуванцар хог хаягдал ногдож байна гэсэн үг юм.