Европын хөлбөмбөгийн аварга шалгаруулах 17 дахь удаагийн тэмцээн өнөөдөр буюу зургаадугаар сарын 14-нд Герман улсад нээлтээ хийнэ. 

UEFA энэ удаагийн тэмцээнээс нийт 1.7 тэрбум еврогийн цэвэр ашиг олно гэж тооцоолж байгаа бөгөөд үүнээс 331 сая еврог тэмцээний шагналд зарцуулах аж.

Нэг шигшээ багийн хүртэх боломжтой шагналын дээд хэмжээ 28.25 сая евро байна. Гэхдээ энэ мөнгийг авахын тулд бүх тоглолтод ялж, Европын аварга болох ёстой.

Оролцож буй 24 баг зөвхөн оролцсоныхоо төлөө л гэхэд 9.25 сая еврог халаасална. Өөрөөр хэлбэл, хэсгийн бүх тоглолтод хожигдсон баг ч дээрх мөнгийг авна гэсэн үг. Харин хэсгийн тоглолтуудын хожил бүрийн шагнал нь нэг сая, тэнцвэл 500 мянган евро байх юм. Мөн хэсгээс шалгарвал үүн дээр 1.5 сая еврогийн шагнал нэмэгдэнэ.

Хагас шигшээд шалгарвал дөрвөн сая, шөвгийн тоглолтод таван сая, улмаар финалд хожвол гурван сая евро нэмж авах юм байна.