Леброн Жэймс болон түүний хүү Бронни Жэймс нар Лос Анжелес Лэйкерс багийн улирлын нээлтийн тоглолтод оролцож NBA-д хамтдаа тоглосон анхны аав хүү боллоо.

NBA-ийн дөрвөн удаагийн аварга, 20 удаагийн бүх оддын шагналыг хүртсэн 39 настай Леброн хэдэн жилийн өмнө том хүү Броннитойгоо мөр зэрэгцэн тоглох мөрөөдлийнхөө талаар анх ярьж байсан. Өнгөрсөн зургаадугаар сард Бронни Жеймсийг Лос Анжелес Лейкерс драфтын 55-р сонголтоор авсан билээ.

Ийн тэд эцэст нь нэг багт тоглосон анхны аав, хүү хоёр болж сагсанбөмбөгийн түүхэнд нэрээ үлдээж байна.