АНУ-ын Ерөнхийлөгч Дональд Трамп Fox News сувгийн хөтлөгч, Үндэсний гвардын офицер Пит Хэгсетийг Батлан хамгаалахын сайд, Жон Рэтклиффийг Үндэсний тагнуулын газрын захиралд нэр дэвшүүлэхээ мэдэгдлээ.

"Пит бүх амьдралаа эх орныхоо төлөө дайчин байдлаар өнгөрөөсөн. Пит хатуу ширүүн, ухаалаг бөгөөд түүнийг удирдаж байгаа үед манай цэргийн хүчин дахин агуу байдлаа олох болно, АНУ хэзээ ч ухрахгүй." хэмээн Трамп мэдэгдлээ.

Хэрэв уг шийдвэрийг Сенат баталбал тэрбээр дэлхийн хамгийн том байгууллага буюу АНУ-ын хамгийн том ажил олгогч байгууллагын удирдагч болох юм. 

Түүнчлэн Дональд Трамп дэлхий дахинаа хүлээлт үүсгээд байсан сонгуулийн өмнөх амлалтаа биелүүлж, Илон Маскийг Засгийн газрын үр ашгийг дээшлүүлэх агентлагийн даргаар томилохоо мэдэгдлээ.

Трамп нэгэн нийтлэлдээ Засгийн газрын үр ашгийн хэлтэс буюу DOGE нь "манай үеийн "Манхэттэн төсөл" болж магадгүй" хэмээж байсан юм. Тус хэлтэс нь "Засгийн газрын хүнд суртлыг үгүй хийх, үр ашиггүй зардлыг танах, Холбооны агентлагуудын бүтцийг өөрчлөх" зэрэгт хүчин зүтгэнэ хэмээж байжээ.