Германы Гельзенкирхен хот энэ сарын сүүлээр АНУ-ын поп од Тэйлор Свифтэд хүндэтгэл үзүүлж, хотын нэрээ “Свифткирхен” хэмээн түр өөрчилнө гэж орон нутгийн эрх баригчид мэдээлжээ.

Свифт тавдугаар сард ‘Eras Tour’ аялан тоглолтоо эхэлсэн. Түүний Герман дахь анхны зогсоол нь Гельзенкирхен хот бөгөөд долоодугаар сарын 18, 19-нд тоглолтоо хийх бөгөөд энэ үеэр Гельзенкирхен хотын нэрийг "Свифткирхен" болгох аж.

Зохион байгуулагчдын мэдээлснээр Герман дахь Велтинс Арена цэнгэлдэхэд 70 мянга гаруй үзэгч ирэх төлөвтэй байгаа гэнэ.  Дараа нь Тэйлор Свифт Гамбург, Мюнхен рүү явна.

Поп од Свифтийн аялан тоглолтын эдийн засагт үзүүлэх нөлөөллийн талаар Европын холбоонд 'Swiftflation', 'Swiftonomics' гэх хэллэгүүд дэлгэрээд байна.