“Google Arts & Culture“-д Монгол соёлын өвүүд нэмэгдэж, виртуалаар үзэх боломжтой боллоо

Монголын Үндэсний музей, Богд хааны ордон музей, Г.Занабазарын нэрэмжит Дүрслэх урлагийн музей, Монголын Уран зургийн галерей, Монгол цэргийн музей зэрэг зургаан байгууллагын 52 сэдэв бүхий 645 мэдээллийг “Google Arts & Culture”-д байршуулж, зарим музейг виртуал хэлбэрээр үзэх боломжтой болжээ.

Ийнхүү монголчуудын ондоошлын илэрхийлэл, бахархлын бэлгэдэл болсон соёлын өвтэй дэлхийн хаанаас ч “Google Arts & Culture”-аар дамжуулан танилцах боломж бүрдэж байна.