NBA-ийн дөрвөн удаагийн аварга Стефен Көрри сагсан бөмбөгийн дараах амьдралаа хэдийнэ төлөвлөжээ.

NBA-ийн 10 удаагийн бүх одод тоглогч мягмар гарагт CNBC сувгийн "Squawk on the Street" нэвтрүүлэгт оролцож, сагсан бөмбөгийн карьераа дуусгасны дараа хийхээр төлөвлөж байгаа төрөл бүрийн бизнес, зорилгынхоо талаар ярьжээ.

Өдгөө 36 настай Көрри “Uninimous Media” хэвлэл мэдээллийн компани, мөн “Underrated” нэртэй залуучуудын гольфын аялал зохион байгуулдаг бизнестэй. Тэрбээр CNBC-д өгсөн ярилцлагадаа нэг өдөр NBA-ийн баг эзэмших сонирхолтой байгаагаа дурдсан байна.

Стеф хэлэхдээ, NBA-ийн супер од асан Майкл Жордан Шарлотт Хорнетс багийг эзэмшиж байсан нь мөн лиг хэдхэн жилийн дотор хэрхэн өргөжин тэлж байгаа нь түүнийг багтай болох сонирхлыг нь төрүүлсэн гэнэ.

Бүх цаг үеийн шилдэг мэргэн бууч 2027 он хүртэл Голден Стэйт Уорриорс багтаа тоглохоор нэг жилийн 62.6 сая долларын гэрээг саяхан сунгасан. Энэ гэрээ түүнийг 39 нас хүрэхэд дуусна.