Болзошгүй хүчтэй газар хөдлөлийн дунд болон богино хугацааны урьтал шинжийг илрүүлэх, газар хөдлөлтийг урьдчилан таамаглах, соронзон орны өөрчлөлтийг бүртгэх магнитометр төхөөрөмжийг Одон орон, геофизикийн хүрээлэнгийн Таван толгой дахь станцад байрлууллаа. 

Ази, Номхон далайн орнуудын сансрын хамтын ажиллагааны байгууллагын тус төслийг хариуцсан мэргэжилтнүүд, БНХАУ-ын ШУА-ийн “Сансар судлалын үндэсний төв”-ийн инженерүүд болон Монгол Улсын Шинжлэх ухааны академийн Одон орон, геофизикийн хүрээлэнгийн судлаачид хамтран суурилуулсан байна.

Газар хөдлөлт болон байгалийн элдэв гамшиг нь нэг улсын асуудал биш тул бүс нутаг, олон улсад  идэвхтэй хамтран ажилласнаар эрсдэлийг бууруулах боломжтой гэж тооцдог. Иймд 2023 онд БНХАУ-ын ШУА-ийн “Сансар судлалын үндэсний төв”-ийн инженер, техникийн ажилтнууд манай улсад ажиллаж , “Соронзон орны хувьслыг бүртгэх өндөр нарийвчлал бүхий станц”-ыг Улаанбаатар хотоос баруун тийш Шинжлэх Ухааны Академийн харьяа газрыг сонгосон юм.