Г.Занданшатарыг Монгол Улсын Ерөнхий сайдад нэр дэвшүүлэхийг өнөөдөр МАН-ын Бага хурлын гишүүд олонхын саналаар дэмжлээ.

МАН-ын Удирдах зөвлөл түүнийг Ерөнхий сайдад 100 хувийн саналаар нэр дэвшүүлсэн бол Бага хурлын үеэр УИХ-ын гишүүн Г.Тэмүүлэн танхимаас нэр дэвшээд байсан юм.

Олонхын санал авсан нэр дэвшигчийг хуулийн дагуу Ерөнхийлөгчтэй зөвшилцөн УИХ-д өргөн мэдүүлэх ба Төрийн байгуулалтын байнгын хороо, улмаар УИХ-ын чуулганы нэгдсэн хуралдаанаар хэлэлцэн баталснаар Ерөнхий сайд бүрэн эрхээ хэрэгжүүлж эхэлнэ.

Түүнээс гадна, шинэ Засгийн газрыг МАН дангаар байгуулах, эсвэл УИХ-д суудалтай бусад намтай хамтрах эсэх асуудлыг мөн Бага хурлаар хэлэлцэж шийдвэрлэх аж.