Чулуужсан түлшний ялгаруулалт энэ онд дээд цэгтээ хүрэх төлөвтэй байгааг сүүлийн үеийн шинэ тооцоолол харууллаа.

Энэ онд чулуужсан түлшний бохирдол 37.4 тэрбум тонн болж, 2023 онтой харьцуулахад 0.8 хувиар өснө хэмээн тус тайланд дурджээ. Дэлхий даяар нүүрс, газрын тос, байгалийн хийн ялгаруулалтын хэмжээ нэмэгдэх төлөвтэй байна.

Азербайжан улсын нийслэл Баку хотноо зохион байгуулагдаж буй Дэлхийн уур амьсгалын өөрчлөлтийн 29 дүгээр бага хуралд (COP29) дэлхийн удирдагчид цугларч, чулуужсан түлшнээс үүдэлтэй уур амьсгалын хямралыг хэрхэн даван туулах талаар ярилцаж байна.

2024 оны зун дэлхийн хамгийн халуун зун болж бүртгэгдсэн нь улс орнуудын нүүрстөрөгчийн ялгарлыг бууруулах арга хэмжээг эрчимжүүлэх шаардлагатайг харуулж байна.