Харилцаа холбооны салбарт дэвшилтэт технологи нэвтрүүлж буй КоллПро ХХК 2024 оны сүүлчээр цоо шинэ CallPro Platform бүтээгдэхүүнийг зах зээлд нэвтрүүлэх тухайгаа өнгөрсөн дөрөвдүгээр сард зарлаж байсан.
10 гаруй жилийн хугацаанд 4000+ гаруй байгууллагуудад туршигдсан CallPro Voice, CallPro Text, CallPro Teams үйлчилгээнүүдийг нэгтгэсэн CallPro Platfrom-ийн тусламжтайгаар байгууллагууд олон шинэ давуу талуудыг бизнестээ ашиглах боломж бүрдэж байна.
CallPro Platfrom-ыг нэвтрүүлснээр байгууллагууд хэрэглэгчидтэй харилцаж байгаа бүх төрлийн харилцааны датануудаа илүү цэгцтэй, оновчтой цуглуулах боломжтой болж тайлан, статистик илүү сайжран, олон улсад өргөнөөр ашиглагддаг бүх үзүүлэлтийг тайлагнах боломжтой боллоо.
Түүнчлэн, хиймэл оюун ухааны тусламжтайгаар цугларсан мэдээлэлд дүн шинжилгээ хийх, бизнесийн шийдвэр гаргалтдаа ашиглах боломжтой болсон бөгөөд хэрэглэгчдийн сэтгэл хөдлөл, яриа мессежний агуулгыг хиймэл оюунаар бүртгэж, дүн шинжилгээ хийх шинэ боломжуудыг нэвтрүүлжээ.
КоллПро ХХК 2024 оны арванхоёрдугаар сард CallPro Platform-ийг зах зээлд шат дараатайгаар нэвтрүүлж, 2025 оны хоёрдугаар улиралд багтаан Монгол, АНУ, Киргиз дэх 4000+ гаруй харилцагчид уг платформд бүрэн шилжиж дуусах болно хэмээн мэдэгдлээ.
