Монгол Улс 2024 онд нийт 83.7 сая тонн нүүрс экспортолж, түүхэн дээд түвшинг тогтоолоо. Энэ нь өмнөх оноос 20 хувиар өссөн үзүүлэлт бөгөөд манай улсын түүхэнд анх удаа нүүрсний экспорт 80 сая тонн давсан үзүүлэлт юм.

Нэг тонн нүүрсийг дунджаар 103 ам.доллараар нийлүүлж, экспортын орлогын нийт дүн 8.6 тэрбум ам.доллар болсон байна. Харин уул уурхайн гаралтай гол нэрийн зургаан эрдэс бүтээгдэхүүний экспортын нийт дүн 13.2 тэрбум ам.долларт хүрч, өмнөх оноос таван хувийн өсөлт үзүүллээ.