Брэнд үнэлгээ, стратегийн үйлчилгээ үзүүлдэг “Brand Finance”-аас жил бүр гаргадаг шилдэг шар айргийн брэндийн жагсаалтыг “Heineken” брэнд 7.5 сая ам.доллароор үнэлэгдэн тэргүүлжээ. Ийнхүү “Heineken” дэлхийн хамгийн их борлуулалттай, үнэ цэнтэй шар айргийн брэнд гэсэн тодотголтой болсон байна.

Харин монголчууд дэлхийд тэргүүлэгч энэхүү шар айргийг үйлдвэрээс нь шинээр нь хэрэглэх боломж бүрдэж байна. “Heineken” шар айргийг дотооддоо үйлдвэрлэх эрхийг авахын тулд маш өндөр шалгуурт тэнцэж, хэд хэдэн удаагийн нарийн шинжилгээг өгдөг байна. Тодруулбал, Монгол улсдаа ХАБҮЛЛ (Хүнсний аюулгүй байдлын үндэсний лавлагаа лаборатори)-ийн шалгуурт, олон улсад Нидерланд дахь “Heineken” компанийн QAL буюу чанарын баталгааны лабораторийн 3 удаагийн туршилт, шинжилгээнд хамрагдаж, үүний дараагаар “Heineken” брэндийн олон улсын судалгаа, хөгжүүлэлтийн дэлхийн шилдэг шар айраг үйлдвэрлэгчид ахин амталгаа хийж, үйлдвэрлэлийн зөвшөөрлийг олгодог байна.

Тус шар айргийг дэлхийн 190 гаруй улсад импортолдог бөгөөд дотооддоо үйлдвэрлэх эрхтэй 70 улс байдгаас ийнхүү Монгол Улс 71 дэх нь боллоо. Ийнхүү 100 жилийн түүхтэй АПУ ХК чанар стандартаар тэргүүлэгч компани гэдгээ дахин баталж Heineken брэндийг эх орондоо үйлдвэрлэж байгаа нь шингэн хүнсний салбарын хувьд томоохон ахиц дэвшил бөгөөд цаашдаа дэлхийн олон брэндийг Монголдоо үйлдвэрлэх гарц бидэнд нээгдэж байнa.