Хятадын цахилгаан машин үйлдвэрлэгч BYD компани Турк улсад үйлдвэрээ байгуулахаар 1 тэрбум ам.долларын гэрээ байгууллаа. 

Шинээр байгуулагдах уг үйлдвэр нь жилд 150,000 машин үйлдвэрлэх хүчин чадалтай бөгөөд 2026 оны сүүлээр 5000 орчим ажлын байр бий болгож, үйлдвэрлэлээ эхлүүлэхээр төлөвлөж байгаа аж.

Европын комиссоос Хятадад үйлдвэрлэсэн цахилгаан автомашинд импортын татвар ногдуулж эхлэхээ мэдэгдээд буй. Харин BYD-ийн хувьд энэхүү хэлэлцээр нь импортын өндөр татвараас зайлсхийх боломж юм. Учир нь Турк улс бол Европын Холбооны Гаалийн холбооны нэг хэсэг бөгөөд энэ нь тус улсад үйлдвэрлэсэн болон тус улсад экспортолж буй тээврийн хэрэгсэл нэмэлт тарифаас зайлсхийх боломжтой болох аж.

Түүнчлэн өнгөрсөн оны сүүлээр BYD компани нь Европын Холбооны гишүүн Унгар улсад цахилгаан автомашины үйлдвэр байгуулахаа мэдэгдсэн байна. Унгар улс дахь үйлдвэр нь Европ дахь анхны үйлдвэр болох бөгөөд олон мянган ажлын байр бий болгох төлөвтэй байгаа юм.

Пүрэв гарагт тус компани Зүүн Өмнөд Ази дахь анхны үйлдвэрээ Тайландад нээсэн бөгөөд жилд 150,000 машин үйлдвэрлэх хүчин чадалтайгаас гадна 10,000 ажлын байр бий болгоно хэмээн BYD компани мэдэгдлээ.