АНУ-ын Төлөөлөгчдийн танхимд Бүгд найрамдахчууд олонх болох төлөвтэй байгаа талаар NBC News агентлаг онцоллоо. Ингэснээр тус улсын Ерөнхийлөгчөөр сонгогдоод буй Дональд Трамп болон түүний намынханд Вашингтон дахь бүхий л эрх мэдэл төвлөрөх төлөвтэй байна. 

АНУ-ын Конгрессын Сенатын танхимд Бүгд найрамдах намын гишүүд сүүлийн дөрвөн жилд анх удаа олонх болсон нь Трампын хувьд Засгийн газрын танхимын суудлыг богино хугацаанд бүрдүүлж, дараагийн хоёр жилийн хугацаанд мөрийн хөтөлбөрөө ахиулах боломжийг олгох юм. 

Энэ удаагийн сонгуулиар Төлөөлөгчдийн танхимын бүх 435 гишүүнийг сонгох бөгөөд Төлөөлөгчдийн танхимд олонх болохын тулд Бүгд найрамдахчууд дор хаяж 218 суудлыг авах ёстой юм. Бүгд найрамдахчууд одоо 220, Ардчилсан нам 212 суудлыг эзэмшээд байгаа бөгөөд Танхимын хяналтыг эргүүлэхийн тулд Ардчилсан нам ердөө дөрвөн суудлыг эргүүлэн авах хэрэгтэй байгаа юм.