Дональд Трамп АНУ-ын сонгуульд ялалт байгуулснаар алтны ханш сүүлийн хоёр сарын доод түвшинд хүрлээ. Харин ам.долларын ханш чангараад буй.

Сонгуулийн үр дүн гарснаас хойш тус үнэт металлын спот ханш 7 гаруй хувиар буурч, унци нь 2,559.2 ам.долларт хүрчээ. Нью-Йоркийн бирж дээр алтны фьючерс 2,567.3 ам.доллароор арилжаалагдсан байна.

"Алт, мөнгөний зах зээлд түр зогсолт үүсэж, энэ нь ойрын хоёр долоо хонгийн хугацаанд үргэлжилж магадгүй" хэмээн Citi-ийн түүхий эдийн судалгааны дэлхийн тэргүүн Максимилиан Лайтон дурдлаа.

Трамп Цагаан ордонд буцаж ирснээр АНУ-ын хувьцаанууд дээд түвшинд хүрч байгаа ч алтны үнэ буурах хандлагатай байгааг тэрбээр онцоллоо.