Хөдөлмөрийн бүтээмж буюу нэг ажиллагчид ногдох ДНБ (2015 оны зэрэгцүүлэх үнээр) 2025 оны эхний улиралд 4.3 сая төгрөг болж, өмнөх оны мөн үеэс 54.5 мянган төгрөгөөр буурсан байна.

Томсгосон 4 салбараар авч үзвэл, нэг ажиллагчид ногдох ДНБ буюу хөдөлмөрийн бүтээмж 2025 оны эхний улиралд өмнөх оны мөн үеэс уул уурхай олборлолт, хөдөө аж ахуй, үйлчилгээний салбарт өссөн бол үйлдвэрлэл, барилгын салбарт буурсан байна.

Нэг ажиллагчид ногдох нэмэгдэл өртөг өмнөх оны мөн үеэс уул уурхай олборлолтын салбарынх 11.4 сая төгрөг болж 383 мянган төгрөгөөр, хөдөө аж ахуйн салбарынх 0.6 сая төгрөг болж 112.9 мянган төгрөгөөр, үйлчилгээний салбарынх 4.4 сая төгрөг болж 110.5 мянган төгрөгөөр тус тус өссөн бол үйлдвэрлэл, барилгын салбарынх 3.0 сая төгрөг болж 92.3 мянган төгрөгөөр буурчээ.