Сүүлийн үед цахим орчинд нэгэн дадлагын оюутны чөлөө авах имэйл олны анхаарлыг татаж, хэрэглэгчдийн дунд маргаан, бахархал хосолсон хандлагыг төрүүлээд байна.

Уг тохиолдлыг нэгэн Reddit хэрэглэгч “Корпорацын ертөнц Z үед бэлэн биш байна!” гэсэн гарчигтайгаар хуваалцжээ. Түүний ажилладаг хиймэл оюуны стартап дахь Z үеийн дадлагын оюутан ийнхүү энгийн бөгөөд хэтэрхий өөр өнцгөөс хандсан чөлөө хүссэн мэйл илгээсэн нь олон нийтийн анхаарлыг татсан юм. 

“Going on a trip” хэмээн гарчигласан уг имэйлд:

“Hi, feeling a bit overwhelmed with all the work, and my energy feels a little off, so not getting that vibe right now. I’ll be out from 28th July to 30th July (please don’t miss me). Here’s my train PNR XXX, and attaching the booking slip for reference. Will talk soon, bye.”

Энэ нь орчуулбал:

“Сайн уу, ажлын ачаалал бага зэрэг дарамттай санагдаж, энерги маань жаахан тэнцвэргүй байгаад байна. Одоогоор вайб буруу мэдрэгдэж байгаа учраас долдугаар сарын 28-30-ны хооронд ажилдаа очихгүй. (намайг битгий санаарай). Галт тэрэгний PNR-ийг хавсаргасан шүү. Удахгүй ярья, баяртай.”

Энэхүү имэйл нь зарим хэрэглэгчдийн хувьд шинэлэг, өөртөө үнэнч хандлага мэт харагдсан бол нөгөө хэсэг нь ажлын соёлд нийцэхгүй, хэтэрхий аминч гэж үзжээ. 

Уламжлалт соёлоос гажсан үйлдлүүдийг хийж буй Z үеийнхэн улам олширсоор. Чөлөө авах, ажлаас гарах өргөдөл бичих зэрэг нь тэдний хувьд чат бичихтэй адил зүйл болсон. Ажлаас гарахдаа хүний нөөцийн мэргэжилтэн рүү өглөө чат бичээд л гарчихдаг болоод буй. Компанийн дүрмийн дагуу өргөдөл бичих, ажил хүлээлцэх зэрэг нь тухайн үеийн залууст нөлөөлөхгүй байгаа нь илт.

“Үнэхээр Gen Z-ийн хандлага. Яг л TikTok дээр яриад байгаа шигээ амьдрал дээр ч адилхан байна” хэмээн нэгэн хэрэглэгч бичжээ. 

Энэхүү явдал нь ажил мэргэжлийн орчинд үе хоорондын ялгаа хэрхэн илэрч буйг харуулсан жишээ болж байна. Z үеийнхэн сэтгэлзүй, энерги, ажил-амьдралын тэнцвэрийг чухалчилдаг бол, уламжлалт ажил хэргийн харилцаанд илүү албан ёсны, хариуцлагатай хандлага хүлээгддэг хэвээр байна.