Монгол Улсад импортоор авах тээврийн хэрэгслийн тоо 2023 оноос өмнө жилд ойролцоогоор 70 гаруй мянга байсан. Харин 2023 онд суудлын 73,356, ачааны 21,361 автомашин импортоор оруулж иржээ. Манай улсад бүртгэлтэй автомашины тоо нэг саяд хүрээд байна. 

Зах зээлд борлуулж байгаа автомашины үнэ ханшийг өнгөрсөн оны мөн үетэй харьцуулахад үйлдвэрлэсэн улс, марк, он, өнгөөс шалтгаалан 5-10 хувиар өссөн үзүүлэлттэй байна. Түүнчлэн энэ онд аймаг, сумдын 100 жилийн ой тохиосонтой холбоотойгоор суудлын автомашины үнэ өссөн бол одоо улирлаа дагаад эргээд үнэ нь бага зэрэг бууж буй аж. Гэхдээ энэ жил голлох валютуудтай харьцах төгрөгийн ханш тогтвортой байгаа тул огцом өсөлт харин гараагүй гэсэн мэдээллийг өгч байна.

 ГЕГ-ын статистик мэдээллээр БНХАУ-аас импортоор авах тээврийн хэрэгслийн тоо жил дараалан өсөж буй. Түүнчлэн Япон улстай хийж байгаа гадаад худалдааны 98 хувийг автомашины импорт эзэлж байна. Тэгвэл Монгол Улс Япон, БНХАУ-аас өөр гаднын ямар улсаас автомашин импортоор авдаг тухай статистик мэдээллийг хүргэж байна.