Cагсан бөмбөгийн Азийн цомын тэмцээний урьдчилсан шатны Япон, Монголын тоглолтын бүх тасалбар зарагдаж дуусчээ

Монголын шигшээ баг 2025 оны намар болох сагсан бөмбөгийн Азийн цомын тэмцээний урьдчилсан шатны “С” хэсэгт Япон, Хятад, Гуамын шигшээтэй өрсөлдөж байгаа билээ.

Манай шигшээ арваннэгдүгээр сарын 21-нд хүчирхэг Японы шигшээтэй “Nikkan” аренад зочлон тоглох бөгөөд тус тоглолтын бүх тасалбар зарагдаж дуусчээ.

Харин энэ тэмцээний гол фаворит БНХАУ-ын шигшээ багтай арваннэгдүгээр сарын 24-нд Улаанбаатар хотод “UG” аренад хүч сорих юм.

Японы “Nikkan” аренад явагдах Япон, Монголын тоглолтод NBA-д данстай явсан Юта Ватанабэ болон Америк Японы иргэншилтэй хоёр метр 8 см өндөр төвийн тоглогч Жош Хокинсон нарын тамирчид багтжээ.