- 1987 оноос хойш жил бүр зохион байгуулагдаж буй уг арга хэмжээнд дэлхийн технологийн тэргүүлэх компаниуд хамгийн сүүлийн үеийн инновац, шинэ бүтээгдэхүүн, технологийн чиг хандлагаа танилцуулдаг билээ.
- “Samsung”, “Oppo”, “Tecno” зэрэг компани шинэ үеийн эвхэгддэг ухаалаг утаснуудаа танилцуулж, уламжлалт загварыг шинэ түвшинд гаргалаа.
- Юнител групп олон улсын операторуудын ашигладаг системийг оновчилж, сайжруулалт хийн, дэлхийн стандартад нийцүүлэн нэвтрүүлсэн тухай уг арга хэмжээний үеэр дурдсан нь онцлох үйл явдал байв.
Харилцаа холбоо, технологийн салбарын хамгийн том үзэсгэлэн Mobile World Congress (MWC) Barcelona 2025 арга хэмжээ Барселон хотноо амжилттай зохион байгуулагдлаа. 1987 оноос хойш жил бүр зохион байгуулагдаж буй уг арга хэмжээнд дэлхийн технологийн тэргүүлэх компаниуд хамгийн сүүлийн үеийн инновац, шинэ бүтээгдэхүүн, технологийн чиг хандлагаа танилцуулдаг билээ.
Энэ жил MWC үзэсгэлэнд 205 орны 109,000 гаруй хүн оролцож, шинэ дээд амжилт тогтоосон бөгөөд 5G, хиймэл оюуны талаар хэлэлцэж, шинэ ухаалаг төхөөрөмжүүдээ танилцуулж, харилцаа холбооны ирээдүйн чиг хандлагыг тодорхойлох олон сонирхолтой үйл явдал өрнөсөн байна. Түүнчлэн, Юнител групп AUTIN системийг үйл ажиллагаандаа амжилттай нэвтрүүлсэн туршлагыг олон улсад танилцуулсан нь онцлох үйл явдлуудын нэг байлаа.
MWC 2025-ын онцлох үйл явдлууд
1. Шинэ технологийн танилцуулга
“Google” компани “Tensor G4” чипсеттэй, хиймэл оюунд суурилсан “Gemini” туслахтай, сайжруулсан камертай “Pixel 9 Pro” загвараа танилцуулжээ. Мөн “Samsung” "Flex G" (гурван дэлгэцтэй) болон "Flex S" (зиг заг нугардаг) загваруудаа олон нийтэд танилцуулав. Харин “Apple” энэ нугардаг гар утасны өрсөлдөөнд хараахан оролцоогүй байгаа ч шинжээчид цаг хугацааны асуудал хэмээн таамаглаж байна. Түүнчлэн “Lenovo” контент бүтээгчдэд тохиромжтой давхар дэлгэцтэй “ThinkBook Flip” зөөврийн компьютерээ олон нийтэд дэлгэжээ.
2. Метаверс (Metaverse) ба виртуал ертөнц
Энэ жилийн үзэсгэлэнд гар утас биш, харин метаверс голлох байр суурийг эзэлсэн нь онцлог байв. “Meta” тэргүүтэй технологийн компаниуд дижитал ертөнцөд ажиллах, тоглох, харилцах боломжийг өргөжүүлэх шинэ технологиудыг танилцуулсан юм. “SK Telecom”-ийн "4D Metaverse", “HTC”-ийн виртуал музей, “Qualcomm”-ийн виртуал хоолны хичээл зэрэг метаверсийн шинэ боломжуудыг танилцуулсан ч олон хүн үүнийг VR технологийн сайжруулсан хувилбар хэмээн дүгнэж байв.
3. 5G, хиймэл оюун ба дижитал шилжилт
Харилцаа холбооны дэд бүтцийн ирээдүй, сүлжээний найдвартай ажиллагаа, 5G ба 6G технологийн хөгжлийн талаар дэлхийн тэргүүлэгч компаниуд өргөн хүрээтэй хэлэлцүүлэг өрнүүлжээ. “Huawei” компани дижитал эрчим хүчний дээд хэмжээний уулзалтыг зохион байгуулж, ногоон технологи, тогтвортой хөгжлийн чиглэлээр шинэ шийдлүүд танилцуулсан байна.
4. Монголын харилцаа холбооны салбар дэлхийн түвшинд үнэлэгдэв
Монголын үүрэн телефоны оператор компани олон улсын операторуудын ашигладаг системийг оновчилж, сайжруулалт хийн, дэлхийн стандартад нийцүүлэн нэвтрүүлсэн тухай уг арга хэмжээний үеэр дурдсан нь онцлох үйл явдал байв.
AUTIN (Autonomous Network Intelligence) нь Huawei-ийн хөгжүүлсэн сүлжээний удирдлага, хяналт, автоматжуулалтын шийдэл юм. Уг систем нь хиймэл оюун, автоматжуулалт, дата анализыг ашиглан сүлжээний найдвартай ажиллагааг сайжруулж, хэрэглэгчдийн үйлчилгээний чанарыг дээшлүүлэх зорилготой технологи аж.
Юнител групп 2024 онд AUTIN системийг үйл ажиллагаандаа нэвтрүүлсэн бөгөөд Төв Азийн бүс нутагт үүнийг хамгийн анх амжилттай нэвтрүүлсэн компани болжээ. Тус компани уг системийг шууд ашиглахаас илүү, өөрийн туршлагад үндэслэн, ноу-хауг шингээж, 200 гаруй сайжруулалт хийсэн нь олон улсын хэмжээнд онцлох амжилт болжээ.
AUTIN системийн хэрэглэгчдэд олгодог давуу талууд
- Сүлжээний найдвартай ажиллагааг нэмэгдүүлэх – Алдаа, доголдлыг урьдчилан илрүүлж, түргэн шуурхай шийдвэрлэх боломжтой.
-
Үйлчилгээний чанарыг сайжруулах –Автоматжуулсан хяналтын систем нь дата болон дуудлагын чанарыг тогтвортой байлгахад тусалдаг.
-
Хурдтай, оновчтой сүлжээний удирдлага – Шинэ технологи, хэрэглэгчийн хэрэглээний онцлогт суурилан сүлжээний үйл ажиллагааг тасралтгүй сайжруулах боломжийг олгодог аж.
Юнител группийн AUTIN системд хийсэн сайжруулалтыг олон улсын хэмжээнд өндрөөр үнэлж, OTF арга хэмжээний хүрээнд зохион байгуулагдсан "Digital Transformation Innovation Contest 2024"-т “AUTIN-Outstanding Network Operations Award” шагналыг хүртжээ.
MWC Barcelona 2025 нь технологийн хөгжлийг тодорхойлсон томоохон арга хэмжээ байлаа. Дэлхийн харилцаа холбоо, хиймэл оюун, 5G, метаверс, дижитал шилжилтийн чиг хандлагыг тодорхойлсон уг үзэсгэлэнд Монголын үүрэн телефоны Юнител групп олон улсын операторуудын ашигладаг системийг сайжруулж, шинэ шийдлүүдийг санал болгон, дэлхийн хэмжээнд хүлээн зөвшөөрөгдсөн нь манай улсын харилцаа холбооны салбар дахь томоохон амжилтуудын нэг болсон юм. 
