Хятадын цахилгаан автомашин үйлдвэрлэгч BYD Tesla-ийн Model 3 загвартай ижил хэмжээтэй e7 автомашиныг хагас үнээр зах зээлд нэвтрүүллээ.

Шинэ e7 нь загвар нь 103,800 юаниас буюу ойролцоогоор 14,500 ам.доллароос эхэлж байна. Худалдан авагчид 48 эсвэл 57.8 кВт.ц хүчин чадалтай, тус тусдаа 450 км болон 520 км зай туулах чадвартай хоёр төрлийн BYD Blade батарейнаас сонгох боломжтой аж.

BYD-ийн энэ дунд оврын шинэ цахилгаан седан нь Tesla Model 3-тай ойролцоо хэмжээтэй юм. BYD-ийн шинэ цахилгаан автомашин нь Хятадад зарагдаж буй Tesla Model 3 RWD үндсэн загварын үнийн талд ч хүрэхгүй байгаа юм. Tesla-ийн үнэ 32,700 ам.доллароос эхэлж байна.

Цахилгаан автомашины зах зээл дэх өрсөлдөөн улам ширүүсэж байна. Энэ сарын эхээр Хятадын автомашин үйлдвэрлэгч GAC Motor компани 2025 оны “Auto Shanghai” үзэсгэлэнгийн үеэр Pickup 01 хэмээх пикап цахилгаан автомашины концепцоо танилцуулсан юм. Тус загвар нь Tesla Cybertruck болон GMC Hummer EV Pickup-ийн хийцийн элементүүдийг өөртөө шингээсэн бөгөөд Хятадууд өөрсдийн “Cybertruck”-ийг бүтээгээд буй.