Монгол Улсын ДНБ өнгөрсөн онд 4.9 хувиар тэллээ. 2015 оны зэрэгцүүлэх үнээр тооцсон ДНБ 32.1 их наяд төгрөг болж өмнөх оноос 1.5 их наяд төгрөг буюу 4.9 хувиар өсөлт үзүүлсэн байна.

Уул уурхай, олборлолтын салбарын нэмэгдэл өртөг 10.8 хувь, үйлчилгээний салбарын нэмэгдэл өртөг 9.8 хувиа өссөн нь эдийн засаг ийн тэлэхэд нөлөөлжээ. Тэгвэл хөдөө аж ахуйн салбар 28.7 хувиар агшсан байгаа юм.

Эргэн сануулахад, манай улсын ДНБ 2015 оны зэрэгцүүлэх үнээр 2022 онд 5 хувь, 2023 онд 7.4 хувиар тус тус өсөж байсан юм.

Тэгвэл, үйлдвэрлэлийн аргаар тооцсон ДНБ 2024 оны урьдчилсан гүйцэтгэлээр 80 их наяд төгрөг болж, өмнөх оноос 9.5 их наяд төгрөг буюу 13.5 хувиар өсчээ.